مجلس بن غانم

السلام عليكم

الاخوة الأعزاء هذه دعوه لكم للمشاركة معنا في الزامل

الشعبي الحضرمي

نرجو منكم التقيد بالوزن والقافيه

لكم تحيات بن غانم



سلام للشعار مني سلام. زوار وأعضاء ومراقبين

من دار زايد نيراس السلام. عسى افراحكم طول السنين



تحيات بن غانم

مرحيب مرحيب صح لسانك يابن حيدور

وينكم ياشعار المنتدى

تقبل مروري

صح لسانك اخوي بن غانم

بس نبغا شعار المنتدى يردون

ونبغا الادارة تثبت الموضوع لأني كل مادخل المنتدى أول شيء بشوف هذا الموضوع

وعلى شأن الزوار كمان يشوفونه وأكيد بيعجبهم الموضوع

وبيشاركون

تسلم يابن غانم على الموضوع وتسلم يمينك وصح لسانك

تقبل ودي

هذه المحاورة بين الشاعر المرحوم / صالح بن عكعوك وبن سميدع

قال بن عكعوك

يالمعتني لا عند يسلم با عمر= ذي يطرح الشنظور مثنات الوريد
وش جاب طير البحر من غبة قمر=وورده عل منهل يريد او مايريد
يا بن عبد قهقر كلامي بالعبر=ماوجه البندق يصيد أو مايصيد
اسميت في ذمرون لي يا بن عمر=ياريت هرجك صدق بعطي ماتريد
ونك مسرف مثل بياع البشر=لا يدخل الجنة ولا موته شهيد
ونشي معك واقع بغينا ماصدر=من عندكم يا ذي تصفون الحديد
في صيبعه ديع وزر الحمل زر=وانا معي ذي با يصفون الجويد
با تشوفني لتصاقبت روس البقر=باركب المعفر في الكعب الشديد
والقبوله مصروفها سود العشر=في شفها لخسر وساعه نستفيد
كمن ولد ضوته من تحت المدر=يندر من الدنيا معه مقطب جديد

وصلت القصيده بن سميدع وجوب عليها وقال فيها:

حي وسهلا بالبيوت الفنيه=من عند بن غانم مصدر في جريد
ياصالح إني زرت مكه والحرم=من زار مكة يقبظ السنه وليد
لا عادني مازرت مكه والحرم=علعطف والجرار باركب قليد
ماليوم قدني في القيود الصعديه=قدني مقيد بالسلاسل والحديد
ولا تكلمني ولا با كلمك=من فوقي الشوكي ومن فوقك عقيد

الله يرحم الشيبان

تسلم أخي علوم الرجال على القصيدة

لك تحياتي

وهذه جواب الاخ صالح بن يسلم بن عكعوك على مجمل باتيس في 26-10-2005

قال مجمل
الحمد لك ياذي خلقـــــــة النوب = وخلقت قوته من عضى لشجـــــار

والقى بغيه فالعلــــب مصبـــوب = فالسوق سعره يشــــــبه الدولار

وبعد يالعاني معي مكتـــــــــوب = تعطيه صالح ذي عليه البـــــــار

ذي حل في رخيه لقاء تركــوب = مايفتشل بك لاقصــــــــــدت الدار

خذ لك من الحاصل من المشروب= فيجان شاهي صنعة الســـــموار

وأجلس بجنبه بلغ المطــــــــلوب = ينشدك صالح شي من الاخبــــار

قله عوافي وقتنا مقلـــــــــــوب = الهيج قد جابوه للجـــــــــــزار

بايعرضونه غصب للتقلــــــوب = بين الدلل حطوه والتجــــــــــار

ذا فحل ذريه ياعرب مجــــروب = ماهو جمل رايه ولامضمــــــار

ولامع اهل السوق للمجلـــوب = الله يعينك ياجمــــــــل هــــــــدار

ذي كان يسلخها ركن فعلـــــوب = يتراقلوا منه وهو الا مـــــار

مابا على لحمر يجيه الصـــــوب = ولا عظامه تقرب المنشـــار

والختم من عندي علي ماجـــوب = ختم بذكر الهاشمي المختار


جواب من صالح بن يسلم بن عكعوك على مجمل

يامرحبا عد ما ضهر جلبوب = والبرق يلمي والجهام احتار
حيا بشاعر حال في شنطوب = من زام جده حامين الجار
ساكن بسده حصنهم منصوب = ولد العبيثي شاعر الشعار
قله وصل قولك ونا متعوب = سهران نومي من عيوني طار
هذ السنه شف قد عضامي شوب = والعقل بيت ياعمر من هار
وسميتلي في الهيج ذي معصوب = مليوم حاني قد برك ع زار
ما عاد بايرعى بخطمت ذوب = والقيد ماكن فيه لون العار
ذي شل حموله قد طلع به ضوب = داهل يشل الحمل حتى جار
ذي له ماواقف ياعمر منسوب = شف قده بيد الثعلب المكار
كل البلاوي جابه المسحوب = ومست مراكب فل غبب سنجار
ما عاد بايقدر بشي شيبوب = مادام عنتر ذوقوه القار
لطير فوق الغصن جابو طوب = ومسى يفر فر في قفص دوار
وامسى الغنيمي في الوصر مصروب = والبخص بايضوي على بشار
وبا تحصل قسم يلمحبوب = مادام قد حسني ضلم غوار
ما له خلاف القتل بن شلهوب = ذي قرب البنزين عند النار
والختم عطر الفاخره مسكوب = على محمد مرعب الكفار

صح لسان شعارنا كلمات غايه في الروعه
شكرا اخي علوم الرجال على النقل الموفق


تحياتي لكم جميعا

السلام عليكم

وين شعار المنتدى

تقبل مروري

مشكورين إخواني على مروركم الطيب

لكم تحياتي

سلام للشعار مني سلام. زوار وأعضاء ومراقبين

من دار زايد نيراس السلام. عسى افراحكم طول السنين

تحيات بن غانم

بـديت بأسم الـله منشي الرواسي والغمام=بهدي تحيه لشاعر في اقواله رزين
الشهامه فيه والأصاله كأنه بدر تام = اهله يحبونه وربعه والناس اجمعين
القبايل يفخرو به صقـر في الجو لاحام=نشمي يشفي المتعوب والطفل الجنين